TTK Банка изврши промена во понудата на депозитни производи за физички лица, односно воведе депозити со фиксни каматни стапки, а притоа целосно ја исклучи примената на прилагодливите каматни стапки.
Со важност од први овој месец, сите депозити од категориите: стандардно, скалесто и детско штедење во денари и девизи, банката ги нуди со рок на орочување до 36 месеци и со атрактивни фиксни каматни стапки за целиот период на орочување. За понудена единствена каматна стапка за секоја рочност корисниците можат да изберат месечна исплата на камата или припис со исплата на камата на крајот на периодот на орочување. Производите вклучуваат услов за автоматско реорочување и утврдување нова висина на фиксната каматна стапка во новиот период на орочување.
Условите и каматните стапки на депозитите се објавени на интернет страницата на ТТК Банка, како и на огласните табли во експозитурите и во филијалите на банката.
