Американската компанија Turing Robotic Industries (TRI) ќе го лансира мобилниот телефон Turing Phone (TP), којшто е скоро неуништлив и безбеден.
Овој мобилен телефон е изработен од специјален течен метал Liquidomorphium, којшто е посилен од челикот и титаниумот.
Покрај црврстината, карактеристично за овој телефон е тоа што сите разговори и размена на податоци ќе бидат шифрирани за да се избегне обид за прислушување.
Turing Phone ќе биде водоотпорен до 10 метри.
На почетокот овој паметен телефон ќе може да се порача преку интернет страницата на компанијата. За првите претпорачки ќе следи и специјален Bluetooth пакет, којшто опфаќа тастатура, звучник, слушалки и џојстик за играње игри.
