Uber донира 2.000 бесплатни возења на здравствени работници во Хрватска

14

За да им се покаже благодарност на сите здравствени работници за сето она што го прават веќе два месеци од појавата на пандемијата и да им се олесни секојдневното одење на работа, Uber во Хрватска донира 2.000 бесплатни возења, пишува Zimo.dnevnik.hr.

Донацијата, како што се наведува, е продолжение на соработката меѓу Uber и тамошното министерство за здравство, бидејќи на здравствените работници досега во рамки на програмата UberMedics на располагање им беше попустот од 20%, а сега и овие 2.000 возења ќе може да се искористат бесплатно.

“Извонредните медицински сестри, лекари и персонал во болниците работат фантастична работа на првата линија на борбата со оваа криза и сите во Uber сакаме да им се заблагодариме за натчовечките напори што ги вложуваат. Се надеваме дека на овој начин – преку превоз, ќе можеме барем малку да им помогнеме со оглед на тоа што неуморно работат и дење и ноќе“, вели Дара Косровшаги, извршен директор на Uber.

Бесплатното возење може да го користат сите вработени во болниците што се вклучени во програмата UberMedics.

Фото: Pixabay