Генералниот менаџер на Uber за Хрватска, Давор Тремац, најави дека летово во Далмација ќе може да се користи услугата на UberBoat.
Новиот производ на Uber ќе биде тестиран во Далмација и на граѓаните ќе им овозможи поволно користење на пловните објекти, а сопствениците ќе може да ги понудат на пазарот кога не ги користат, пишува HrTurizam.
Конкуренција ќе му биде францускиот сервис Click & Boat, којшто во Хрватска работи од минатото лето и во базата има повеќе од 600 пловни објекти, пишува SeeBiz.
Повеќе информации за воведување на UberBoat услугите и кои дестинации ќе се покриваат ќе бидат објавени наскоро, но веројатно ќе се поврзуваат поголемите градови на брегот со островите.