Од Управата за јавни приходи апелираат граѓаните да не ги чекаат последните денови пред истекот на рокот (15-ти март) за поднесување на годишна даночна пријава, а со цел да се избегнат метежи на даночните шалтери.
Заклучно со 13-ти овој месец, 51.616 граѓани ја исполнија даночната обврска, а во наредниот период се очекува уште над 350.000 даночни обврзници да ги пријават приходите во УЈП, односно обврзниците кои во изминатата 2016 година освен плата или пензија или приход од земјоделска или самостојна дејност, оствариле и други дополнителни приходи.
Граѓаните кои се од други градови, а имаат привремен престој во Скопје, даночната пријава може да ја поднесат во Контакт центарот на УЈП на новата локација во зградата на Регионалната дирекција Скопје, што се наоѓа на ул. 11 Октомври бр.27.
