Управата за јавни приходи (УЈП) ја објави третата листа на должници за оваа година, за долгови доспеани до 30-ти ноември лани и неплатени до 28-ми февруари 2017 година. Долговите се по основ на ДДВ, данок на добивка, персонален данок на доход, придонеси од задолжително социјално осигурување, акцизи и царини.
За физичките лица и самостојните вршители на дејност, кои се најдоа на листата, долговите се повисоки од 120.000 денари. За правните лица, долгот е повисок од 300.000 денари.
