УЈП: Наближува крајниот рок за регистрација на системот е – Персонален данок

20

Од Управата за јавни приходи (УЈП) потсетуваат дека наближу крајниот рок за регистрација на системот е – Персонален данок, а тоа е 31-ви декември.

Граѓаните кои досега не ја исполниле својата обврска и не се регистрирале на е-пдд системот, Управата за јавни приходи потсетува дека покрај шалтерите лоцирани во Регионалната дирекција Скопје, отворени се и дополнителни шалтери лоцирани во:

  • општина Ѓорче Петров – во зградата на урбаната заедница Ѓорче Петров (кај полициската станица) и
  • општина Аеродром – во општинската зграда на втори кат.

Канцелариите на УЈП во овие две општини се отворени секој работен ден до 31.12.2018 година со работно време од 08.00 до 18.00 часот

  • во општина Кисела Вода – барака број 4,
  • општина Гази Баба – барака за едношалтерски систем (поранешен даночен шалтер на УЈП) и
  • општина Чаир.

Даночните шалтери во овие три општини се отворени секој работен ден до 31 декември со работно време од 08.00 до 16.00 часот.

Од УЈП информираат дека и Регионални дирекции на УЈП во Скопје, Штип, Тетово и Битола работат од 07.00 ч. до 21.30 ч.

Со истото работно време ќе работат и во наредниот период, освен 31 декември 2018 година, кога ќе бидат отворени до 16.30 часот.

Регионалните дирекции ќе бидат отворени за граѓаните и во последните две саботи од месецот, односно на 22.12.2018 и 29.12.2018 со работно време од 08.00 до 14.00 часот.