Управата за јавни приходи од денеска отвора дополнителни шалтери за поднесување Годишна даночна пријава, со цел да се избегнат метежите во последните денови пред крајниот рок, 15-ти март.
Шалтерите се лоцирани на приземјето на Дирекцијата за големи даночни обврзници во зградата на ССМ. Граѓаните од Скопје, но и сите оние кои се од друг град, а кои привремено работат или живеат во Скопје, можат даночната пријава да ја поднесат на три локации, вклучувајќи ја Регионалната дирекција Скопје и Даночниот шалтер Чаир. Исто така, пријавите може да се поднесуваат и преку Мобилните даночни шалтери на УЈП.
Заклучно со 27.02.2017 година до УЈП се пристигнати вкупно 140.052 даночни пријави, од кои 601 по електронски пат.