Рокот за поднесување на Годишна даночна пријава за утврдување на персоналниот данок на доход истекува утре, потсетуваат од Управата за јавни приходи.
Оттаму очекуваат денеска и утре околу 40.000 граѓани да ја исполнат својата обврска за поднесување пријава за приходите коишто граѓаните ги оствариле во текот на минатата година.
Заклучно со 13-ти март оваа година, поднесени се вкупно 360.795 даночни пријави, од кои 1.728 се поднесени по електронски пат.
Даночните канцеларии на УЈП работат од 8:30 до 18:00 часот, а граѓаните може да ја достават Годишната даночна пријава и преку пошта.
