Управата за јавни приходи (УЈП) започна со исплата на парични средства за второто тримесечје согласно Законот за враќање на дел од ДДВ кај физичките лица.
Повратот од 15% од ДДВ се префрла на сметките на граѓаните кои се корисници на апликацијата МојДДВ за месеците октомври, ноември и декември 2019 година.
Oд 01.07.2019 до 31.01.2020 година апликацијата МојДДВ ја користат 236.442 корисници, скенирани се 66.885.228 фискални сметки, остварен е промет од 32.456.740.434 денари, вкупен ДДВ 3.512.292.634 денари, поврат 15% во износ од 526.843.896 денари или 8.567.000 евра.
Во месец јануари 2020, првиот месец од третото тримесечје има нови 23.387 корисници на апликацијата МојДДВ и вкупен поврат 15% од ДДВ заклучно со 31.01.2020 година во износ од 1.724.000 евра.
Управата за јавни приходи уште еднаш апелира до граѓаните да ги проверат своите трансакциски сметки и доколку има грешка во внесувањето, да ја коригираат со цел навремена и ефикасна исплата.
