Емисиите на јаглерод диоксид кај најбогатите 1% од човештвото се повеќе од двојно повисоки од оние на три милијарди луѓе кои ја сочинуваат посиромашната половина, се вели во новиот извештај на невладината британска организација Oxfam, во којшто се гледа 25-годишен период на невиден раст на емисиите.
Извештајот Confronting Carbon Inequality се заснова на истражување спроведено заеднички со Stockholm Environment Institute и беше дистрибуиран во пресрет на состанокот на Генералното собрание на Организацијата на Обединети Нации за глобалните предизвици, вклучително и климатската криза.
Извештајот ги проценува емисиите од потрошувачката на различни групи луѓе врз основа на нивниот приход помеѓу 1990-та и 2015-та година, при што количината на јаглерод диоксид во атмосферата се зголеми двојно.
Во овој период, најбогатите 10% (приближно 630 милиони луѓе) учествуваат со повеќе од половина (52%) од емисиите на јаглерод диоксид. Најбогатите 1% генерирале 15% од емисиите – повеќе од двојно повеќе од оние на посиромашната половина од човештвото (7%).
Вкупното зголемување на емисиите на најбогатите 1% било три пати поголемо од она на посиромашната половина од светската популација.
Најбогатите 10% генерирале третина од емисиите на јаглерод, што се очекува да ги подигне температурите за 1,5 степени Целзиусови над прединдустриските нивоа со што ќе предизвика неповратни и катастрофални климатски промени. Посиромашната половина од светското население учествува со само 4% во овие емисии.
“Прекумерната употреба на богато малцинство на гориво на климатските промени што ја става на ризик планетата. Никој не е безбеден од ова влијание, но најсиромашните во светот плаќаат највисока цена, борејќи се со поплави, циклони и глад, иако тие емитуваат многу помалку емисии“, рече Дени Срискандараја, извршен директор на Oxfam GB.
Oxfam бара зголемување на даноците за богатите и нови даноци на јаглерод на луксузни добра, како што се приватните авиони и суперјахтите. Приходите што се генерираат може да се инвестираат во работни места со малку јаглерод, како што се социјалниот сектор или зелениот јавен транспорт, како и да се канализираат во поддршка на сиромашните заедници кои се најмногу погодени од климатските промени, соопшти невладината организација.
Фото: Pixabay
