Уште 18 месеци може да продолжи глобалната криза што влијае на товарниот транспорт

76

Може да поминат уште 18 месеци пред индустријата да се справи со „морето од предизвици“, предизвикувајќи масовни нарушувања во синџирот на снабдување. Ова за Скај њуз го изјави извршниот директор на компанијата за транспортни услуги Braemar Shipping Services – Џејмс Гунди.

Според неговата прогноза, контејнерите ширум светот се главен дел од проблемот, а за време на празничниот период, проблемите ќе се влошат.

Како што е познато, контејнерите за товар се во срцето на светската трговија. Секој производ или компонента како дел од глобалната економија патува по море, по железница и по автопати.

Проблемите на британските пристаништа се постојано во вестите во последните недели, но проблемите надвор од Обединетото Кралство се уште посериозни. Додека царината за товарни превози „Cory Brothers“ во Феликстоу, Велика Британија, работат деноноќно за да го олеснат метежот и да задржат стоки, околу 13 проценти од сите контејнери во светот во моментов се надвор од пристаништата. Повеќето од нив се американски и кинески.

„Она што просечниот човек не го слуша е фактот дека има проблеми со екипажот на многу трговски бродови, има случаи на КОВИД-19, и се ставени во карантин. Ситуацијата станува посложена и ќе се продлабочува“, рече претставник на транспортната компанија.

Друг сериозен проблем е самиот недостатокот на трговски товарни бродови – главно поради недостаток на работна сила. Ова, пак, придонесува за рекордни цени на снабдувањето – трошоци што ќе се пренесат низ целиот синџир на снабдување и кои само ја влошуваат зголемената инфлација.

Во позадина на целата криза, побарувачката за кинески производи во Европа останува силна. Според информациите, извозот од Кина во Европската унија до моментов е зголемен за над 40%