Четвртиот пробен лет на ракетата Starship на SpaceX не успеа и прототипот се сруши, потврди основачот на компанијата, Илон Маск на Twitter.
“Нешто важно се случило при спуштање. Ќе откриеме што е проблемот подоцна“, напиша Маск, по трите неуспешни обиди.
Третиот прототип на ракетата Starship на SpaceX експлодираше на почетокот на март по успешниот лет и слетувањето. Претходните два обида завршија со пад при самото слетување.
Основачот на SpaceX, милијардерот Маск, развива нова генерација на ракети коишто треба да бидат лансирани на Марс и на Месечината.
И покрај неуспесите, SpaceX собира вредни податоци што ќе му обезбедат забрзување на развојот на вселенската програма.
Фото: Twitter