Вертикално земјоделство: Решение за повеќе храна и помалку емисии

65

Потребата за зголемување на производството на храна и намалување на влијанието на овој процес врз животната средина станува се поитна.

Вертикалното земјоделство ја постави оваа цел и овозможува 95 проценти заштеда на вода.

Според Обединетите нации, до 2050 година на светот ќе му треба 60 отсто повеќе храна за да ги прехрани своите жители. Некако, човештвото мора да најде како да го зголеми глобалното производство на храна, но и да ги направи поефикасни секторите како што се сточарството и земјоделството.

И сето тоа, се разбира, намалувајќи, зошто не и целосно елиминирајќи го влијанието на овие практики врз животната средина.

Ако таквата мисија не ви изгледа особено лесна, во право сте, бидејќи навистина не е: потребни се нови технологии и иновации за овој потфат да биде успешен.

Според многу научници, едно од можните решенија е вертикалното земјоделство – метод на одгледување во затворен простор, во кој растенијата и зеленчукот се одгледуваат во стаклена градина, еден врз друг, преку употреба на специјални структури слични на столбови.

Што е вертикално земјоделство?

Идејата за вертикално земјоделство беше развиена подетално од професорот на Универзитетот Колумбија, Диксон Депомиер. Тој забележува дека одгледувањето зеленчук и други растенија во вертикални структури има значителни предности, бидејќи заштедува вода, не користи пестициди и го намалува загадувањето на животната средина.

Тоа е особено погодно за земји со неповолна клима бидејќи не е под влијание на временските услови.

Вертикалното земјоделство е важно за нашата иднина бидејќи ни овозможува да користиме помалку земја и помалку вода, повторно употребувајќи се што не се апсорбира од растенијата. Деталите не се неважни бидејќи овој метод би користел 95 отсто помалку вода од традиционалното земјоделство.

Бројката е импресивна – особено во услови на суша која во последно време зафати голем дел од светот. Растењето во затворен простор овозможува да се репродуцираат идеалните услови за овошје и зеленчук во текот на целата година, зголемувајќи го нивното производство, на пример со новата генерација на вештачки светилки кои можат да ја намалат потрошувачката на енергија за 40 проценти.

Студиите во оваа област се во прилично рана фаза, забележува италијанското издание „Money“. Засега главна цел е намалување на цените и зголемување на разновидноста на одгледуваните производи за да бидат конкурентни на пазарот.

Сепак, тоа е само прашање на време. Инвестициите во секторот растат. Пример е италијанската компанија Planet Farms, на која неодамна се обложил модниот претприемач Ренцо Русо – основач на Diesel.

Целта е да се обезбеди континуирано снабдување со зеленчук и растителни влакна за растителна храна во иднина користејќи мали и вертикални фабрики. Слични структури се развиваат во близина на големите урбани центри ширум светот, позиционирајќи се во близина на огромни пазари кои постојано се прошируваат.

Причината е што мнозинството луѓе живеат во големите градови, а во иднина нивниот удел ќе продолжи да се зголемува. Посебната структура на овие плантажи има за цел да ги прецрта земјоделските мапи и начинот на кој ние ги перципираме.

Како што пишува „Дејли Бист“, „фабриката на иднината“ не е нива во Канзас, туку складиште со контролирана температура во Њуарк, град на неколку километри од метрополата Њујорк.

Земјоделството на иднината ќе се состои од мрежа на релативно мали затворени објекти каде што растенијата ќе се одгледуваат во постојан циклус и на неколку чекори од мегаполисите, чие снабдување е клучно за да може да се нахрани сè понаселениот свет.

Фото: Facebook