Во Кина, е-автомобилите повеќе не се иднината, тие станаа реалност

67

Една четвртина од сите нови автомобили купени во Кина оваа година ќе бидат целосно електрични возила (EV) или plug-in хибриди, според најновите проценки. Во земјата повеќе од 300 кинески компании моментално произведуваат електрични возила, почнувајќи од оние со цена од 5.000 долари до модели од високата класа кои им се ривал на Тесла и германските производители на автомобили.

Според Њујорк Тајмс, во Кина има приближно четири милиони единици за полнење, двојно повеќе од пред една година, а претстојат уште повеќе.

Кинезите сè повеќе се загрижени за цената на бензинот, па се свртуваат кон електричните возила. Притоа, тие не очекуваат помош од државата во вид на субвенции, туку ги споредуваат цените на возилата на гас и на електричните возила и според сопствените пресметки доаѓаат до заклучок дека доколку треба да купат нов автомобил, тоа треба да биде EV.

Ту Ле, управен директор на консултантската компанија „Sino Auto Insights“ со седиште во Пекинг, рече дека конкуренцијата и динамиката сега го движат кинескиот пазар, а не владините субвенции.

„Дојдовме до точка во Кина каде што се натпреваруваме по цена и карактеристики на возилото. Значи не се работи за субвенции“, рече Ле.

Кинескиот лидер Си Џинпинг во 2014 година изјави дека развојот на електрични возила е единствениот начин да се трансформира неговата земја „од голема автомобилска земја во автомобилска сила“. Нагласувајќи ги своите амбиции, Кина постави агресивна цел: 20 отсто од продажбата на нови автомобили ќе бидат електрични возила до 2025 година, но Кина веројатно ќе ја постигне таа цел уште оваа година. Веќе најголемиот пазар за електрични возила, Кина, исто така, има една од најбрзо растечките продажби, со продажбата што се очекува да се удвои оваа година на околу шест милиони возила – повеќе од остатокот од светот заедно, пишува NY Times.