Еден килограм домати во Јапонија се продава за 4,94 евра, што е највисока цена во светот. Од друга страна, пак овој здрав зеленчук е најевтин во Египет, каде што еден килограм домати чини 0,37 евра, покажуваат податоците на Numbeo.
Земји во коишто доматите се меѓу најскапите во светот се и: Јужна Кореја (4,61 евра), Швајцарија (3,70 евра), Исланд (3,63 евра) и САД (3,57 евра).
Од 96 земји во светот, Македонија е 78-ма со просечна цена на доматите од 0,77 евра.
Од земјите во регионот, поскап е доматот во: Словенија (1,88 евра), Хрватска (1,41 евра), Грција (1,31 евра), Бугарија (1,27 евра), Црна Гора (1,05 евра) и Србија (0,94 евра).
Освен Египет, најевтини се доматите и во: Пакистан (0,40 евра), Индија (0,39 евра) и Сирија (0,38 евра).
Фото: Pixabay
