Најголемиот забавен парк во Европа ќе биде отворен во главниот град на Русија кон крајот на февруари наредната година.
Паркот ‘Dream Island’ којшто е предвиден да стане туристичка дестинација за семеен одмор дизајниран е да прими 20.000 луѓе. Проектот е вреден 1,5 милијарди долари.
“Ова е најголемиот забавен парк во Русија и најголем затворен парк во Европа, слични можете да пронајдете само во Обединетите Арапски Емирати. Сите атракции се уникатни и произведени специјално за Dream island“, вели техничкиот директор на паркот, Иван Схол.
Паркот изграден во центарот на Москва е направен да изгледа како град со централна улица, шеталишта и градини.
“Тоа е вистински град, само прекриен со стаклена купола и гостите може да шетаат во текот на целата година. Стаклената површина е најголема во Европа и се простира на 8.600 метри квадратни“, наведоа инвеститорите.
Според веб страната на Dream Island, билетот ќе чини 50 долари за возрасни и 45 долари за деца.
Фото: Themeparx
