Во просториите на ЦЕЕД Хаб Скопје вчера се одржа изложба и промоција на Студио Ѓердан по повод две години од постоењето на компанијата.
Станува збор за микро компанија којашто нуди дизајниран накит изработен во полудраг камен, кристал, бисер, срма и комбинација на други интересни материјали.
Беа изложени одбрани производи од досега изработените дизајни во текот на двегодишното работење на оваа микрокомпанија. Исто така, беа доделени клуб картички за ВИП Приказна клубот на поддржувачи на компанијата и вредносни ваучери за подарок на добитниците на наградната игра Напиши најдобра реклама или слоган за Студио Ѓердан, организирана по повод одбележувањето на вториот роденден на компанијата.
Студио Ѓердан е дел од пред – акцелераторската програма за дизајнери на ЦЕЕД Хаб Скопје.