Патувањата поради пандемијата трајно ќе се променат, смета извршниот директор на Airbnb, Брајан Чески, предвидувајќи дека луѓето повеќе ќе ги посетуваат малите градови, како и пријателите и семејството.
“Традиционалниот туризам и разгледување на водечките светски дестинации значително ќе се намали, како и летовите заради деловни состаноци, а ќе доминираат патувања во помали заедници“, предвидува тој.
Според него, патниците не мечтаат да го видат Times Square, туку пријателите и семејството кои не ги виделе долго време поради пандемијата.
Airbnb во голема мера ги почувствува последиците од пандемијата, остварувајќи резултати пониски дури за 80%.
Компанијата во декември успешно почна да котира на берза, а цената на акциите во иницијалната јавна понуда им е повеќе од двојно зголемена, наведува Ројтерс.
Фото: Freepik