Магазинот „Вог“ ги наведе 11-те најдобри плажи во Европа за кои велат дека никогаш нема да разочараат. „Европа е дом на некои од најспектакуларните плажи на планетата“, пишуваат во воведот на текстот.
На нивната листа од 11 плажи се наоѓа и една хрватска – Пасјача.
“На кратко растојание од Дубровник се наоѓа оваа интимна плажа во јужна Далмација. Самата плажа е зачудувачка со својата сино-зелена вода и прекрасните карпи, но тесната патека и низата чекори издлабени во карпата ја прават уште понезаборавна. Блиското село на Поповиќ вреди да се посети и поради неговата традиционална архитектура и маслинови насади“, пишува Vogue.
Кои други плажи се на списокот?
Torre Sant’Andrea, Италија
Praia Dona Ana, Португалија
Reynisfjara, Исланд
Kaputaş, Турција
Pointe de l’Aiguille, Франција
Platja de sa Boadella, Шпанија
Thy, Данска
Tsigrado, Грција
Luskentyre, Шкотска
Ghajn Tuffieha, Малта
Пасјача со години добива пофалби од светските медиуми
Пасјача со години е рангирана меѓу најубавите во светот. Минатата година, порталот The World’s 50 Best Beaches ги објави 50-те најубави плажи во светот, а Пасјача е на 39-то место.
Плажата се наоѓа јужно од Поповиќи во Конавле, триесетина километри јужно од Дубровник. Се наоѓа на скриено, недостапно место, каде што карпите стрмно се спуштаат во Јадранското Море. До оваа прекрасна плажа, опкружена со природна убавина, можете да стигнете со спуштање по скалите во карпите.
Пасјача пред четири години беше прогласена за најдобра европска плажа според порталот European Best Destinations.
Фото: Facebook
