Volkswagen ги здружува силите со американски производител на чипови

24

Германскиот производител на автомобили Фолксваген во вторникот објави дека влегува во  партнерство со американскиот производител на чипови Qualcomm за развој на технологија за автоматско возење.
Интегрираниот чип на Qualcomm ќе се користи во новите модели на Volkswagen од средната на деценијата, објави софтверскиот оддел Cariad на VW.

Финансиските детали од договорот не се објавени.

Извршниот директор на Фолксваген, Херберт Дис, изјави дека сите возила во групата со стандардизиран софтвер Cariad ќе бидат опремени со технологија на американската компанија.

Во јануари, VW објави дека ќе побара поддршка за развој на софтвер за автономно возење од Bosch.