Со воведување на еврото во Хрватска, чиј пат беше трасиран со влегувањето во Европскиот механизам за девизен курс во јули, валутните и кредитните ризици ќе исчезнат или ќе бидат значително намалени, а средствата на пензиските фондови ќе бидат значително поликвидни.
Ова е заклучок на третиот Financial Brunch, на Здружението на друштва за управување со пензиски фондови и компании за пензиско осигурување на тема – евро, пишува Пословни дневник.
“Средствата на задолжителните пензиски фондови полека растат на домашниот пазар на капитал. Средствата на задолжителните пензиски фондови пораснаа за 216% од 2010 година, додека БДП кумулативно порасна за 11%“, илустрираше експертот Иван Грбац.
Според него, веќе во 2021 година, Хрватска ќе биде над пазарната капитализација на тргуваните акции на берзата во Загреб. Тој понатаму вели дека активностите на пензиските фондови придонеле за развој на домашниот пазар на обврзници.
“Влезот во еврозоната значи и значително повеќе ликвидни средства. Воведувањето на еврото не значи дека пензиските фондови ќе ги намалат инвестициите во Хрватска, туку со тоа се отвора можност вишокот односно растот на средствата на пензиските фондови над растот на домашниот капитал и пазарите, да бидат инвестирани на странски пазари“, смета Грбац.
Фото: Pixabay