Индустрискиот конгломерат Siemens планира да им овозможи на над 100.000 вработени да работат надвор од канцеларија два до три пати во неделата, пишува Associated Press.
Компанијата, чие седиште е во Минхен, тврди дека актуелната корона – криза “покажа дека работата што е независна од локацијата нуди бројни предности и големи можности“.
Оваа одлука на Siemens ќе опфати повеќе од 140.000 работници на повеќе од 125 локации во 43 земји во светот, а стапува веднаш на сила. Од компанијата наведуваат концептот на “мобилна работа“ не значи дека работата од дома е задолжителна, туку вработените во консултација со претпоставените да го одберат “местото за работа каде што ќе бидат најпродуктивни“.
Фото: Freepik
