Фото: Pexels
Задоволен гостин на заминување, „полн“ со убави коментари и пофалби е целта на секој угостител, па и Вам. Конкуренцијата е голема, на угостителскиот пазар остануваат само за најупорните и најдобрите. Во што се крие „тајната“ на нивниот успех?
Услуга по мерка на гостите
Насочувањето на работните активности кон потребите на корисниците е основата на секој работен успех. Такви услуги со кои се исполнуваат желбите и потребите на гостите, меѓу другото се: приемот, сместувањето, исхраната, како и низа други содржини. Меѓусебното разбирање, хармонијата и поврзаноста, на секој начин се пренесуваат на гостите, како консументи на Вашата услуга. Токму од овие односи, тие ги заклучуваат, проценуваат и паметат и позитивните и негативните искуства.
Комуникација со гостите
Најважна работа во овој процес е директната комуникација со гостите, која е истовремено и најдобра промоција и реклама за Вас, секако, доколку е на нивото што одговара. Исто така неуспешната комуникација и незадоволство, гостите ќе ги доведат до несогледливи негативни последици. Препознавањето на потребите, односно нивната интеграција во квалитетна услуга води кон максимално задоволување на гостите.
Позитивната енергија е темелот
Сепак, за истата да се пренесе на гостите, мора да постои помеѓу вработените. Првиот чекор кон тоа е Вие, како сопственик на угостителскиот објект, да се грижите и за своите работници. Да препознаете кога некој од нив има проблеми („остави ги домашните проблеми дома“ и не е некој соодветен одговор), да разговарате за нивните проблеми и да им помогнете да ги решат. Некогаш не можете реално да помогнете во решавањето на проблемите, но вашата грижа ќе биде доволна за утре Вашиот вработен да дојде на работа и да се грижи за гостите уште подобро.
Формулата за успех
Околу тоа колку е пресудна грижата за корисниците, најдобро покажува примерот на Tony Hsieh (Zappos). Тони на 24 години веќе бил милионер. Својата прва фирма ја продал на Microsoft и тоа за неверојатни 265 милиони долари. Но тоа е ништо во споредба со неговиот следен чекор. Имено, само по неколку месеци Тони создава онлајн продавница за чевли, која ја победила amazon.com во нивната категорија, со поскапа цена, но и поголема грижа за корисниците. Аmazon во 2009 година го купи Zappos за неверојатни 1,2 милијарди американски долари. Навистина грижата за корисниците игра голема улога во секој случај.
Едуцирајте се за навиките на гостите
Очекувањата на гостите произлегуваат од вредностите на системите, општествените статуси и културата на која што припаѓаат, личните вредности, моменталното расположение, како и рефлексија на одредени случувања, односно од нивните навики. Грижата за гостите и овозможувањето на квалитетна услуга претпоставуваат Вие добро да ја познавате културата на гостите кои го посетуваат Вашиот локал, нивните очекувања, треба да знаете да комуницирате на повеќе јазици, да сте отворени, добро расположени, насмеани и што е најважно – да сте максимално љубезни.
