Градски трговски центар (ГТЦ) минатата година работеше со загуба од 40.626.000 денари, покажува билансот на успех објавен на Македонска берза.
Една година претходно, загубата на ГТЦ беше 34.349.000 денари.
“Остварен е негативен финансиски резултат во износ од 40.626.000 денари. Финансискиот резултат е последица од настанатата криза предизвикана од коронавирусот“, стои во Образложението кон финансискиот резултат.
Во 12-месечното работење во 2020 година, како што се наведува во Образложението, компанијата оствари вкупни приходи од 206.534.000 денари кои се помали за 8% во однос на претходната 2019 година, а вкупните трошоци изнесуваат 247.160.000 денари кои се помали за 4% во однос на претходната 2019 година.
