Земја од ЕУ воведе четиридневна работна недела

53

Во понеделникот, Белгија почна да спроведува нови регулативи кои им дозволуваат на вработените да работат четири дена во неделата наместо пет.

Указот беше донесен откако партиите кои ја сочинуваат коалициската влада постигнаа договор за реформирање на работниот век во јуни, јавува Anadolu Agency.

Според договорот, вработените ќе можат да побараат од својот работодавач можност да работат четири дена во неделата. Доколку работникот сака и склучи договор со работодавачот, работниот период од 38 часа неделно ќе може да го заврши за четири дена наместо за пет.

Вработените кои ќе ја искористат оваа можност ќе можат да користат три дена викенд отсуство или да користат дополнителен слободен ден во текот на неделата.

Овој систем на работа може да трае шест месеци со одобрение на работодавачот, но може да се продолжи и на крајот на првите шест месеци. Работодавците имаат право да одбијат такво барање, но одбивањето мора да се заснова на валидна причина.

Дел од невладините организации ја критикуваа новонастанатата состојба, бидејќи сметаат дека ваквиот принцип на работа може да доведе до разни доцнења. Предупредуваат и дека ваквиот начин на работа значи дека вработениот поминува повеќе време на работа во текот на денот, како и дека се продолжува на пат до и од дома и сметаат дека тоа може да има негативни ефекти.

Со овој потег, Белгија стана првата земја во Европската унија и трета во светот по Исланд и Нов Зеланд која формално воведе четиридневна работна недела како опција за своите работници.