Вкупното производство на шумски производи во државните шуми во четвртото тримесечје од 2014 година, во однос на четвртото тримесечје од 2013 година, е зголемено за 8,9%, покажуваат податоците на Државниот завод за статистика.
Зголемување на шумското производство е забележано кај трупците од иглолисни видови, другото обло дрво
од иглолисни и листопадни видови, просторното дрво од иглолисни и листопадни видови, огревното дрво од
иглолисни и листопадни видови и кај друго грубо обработено дрво, цепеници, дрвени мотки и колци.
Намалување на шумското производство е забележано кај трупците од листопадни видови и кај рудничкото дрво од иглолисни и листопадни видови.
