Европските берзански индекси денес се мешани, при што нафтата и златото растат заедно со падот на цените на пченицата, додека инвеститорите ги анализираат извештаите за заработка од големи компании и банки како што се „Хајнекен“, „САП“ и „Барклис“.
Италијанската банка „Уникредит“ забележа профит над очекувањата во третиот квартал од 2025 година, а нејзиниот извршен директор Андреа Орсел изјави дека не се откажал целосно од преземањето на германската „Комерцбанка“, пренесува CNBC.
Тој исто така спомена дека „Уникредит“ веројатно ќе го зголеми својот удел во грчката „Алфа банка“ на приближно 30 проценти.
Денес во 9:30 часот, индексот DAX на Франкфуртската берза падна за 0,22 проценти на 24.280,32 поени, францускиот CAC 40 за 0,7 проценти на 8.200,64 поени, додека британскиот FTSE 100 порасна за 0,49 проценти на 9.473,60 поени, а московскиот MOEX за 0,54 проценти на 2.646,69 поени.
Вредноста на американскиот берзански индекс Dow Jones порасна за 0,47 проценти на 46.706,58 поени пред денешното отворање на пазарот, вредноста на индексот S&P 500 стагнираше на 6.735,35 поени, додека вредноста на индексот Nasdaq падна за 0,16 проценти на 22.953,67 поени.
Европските фјучерси за гас за ноември беа продадени денес на отворањето на берзата TTF по цена од 32.250 евра за мегават-час.
Според моменталните податоци од берзата, цената на суровата нафта се искачи на 58.230 долари, а цената на нафтата од типот Брент на 62.275 долари.
Цената на златото се искачи на 4.137,67 долари за унца, а цената на пченицата падна на 5,0003 долари за бушел (еден бушел е еднаков на 27,216 кг).
Вредноста на еврото во однос на доларот на берзата Форекс е 1,16045 долари, што е за 0,04 проценти повисока отколку на почетокот на тргувањето.