Зошто не треба да работите бесплатно

130

Без разлика дали сте на почеток на својата кариера, отворате своја компанија или веќе сте долго на пазрот, работа за 0 денари, може да ви се одбие од глава.

Веројатно сте биле во ситуација да ви биде понудено услугата или производот да го дадете бесплатно или по ваша волја кога ви понудиле пари сте ги одбиле, бидејќи ви било непријатно да наплатите. Можеби гледате на тој однос долгорочно па мислите дека вложеното еден ден ќе ви се исплати.

Која и да е причината, дури и ако сте уверени дека со тоа што работите бесплатно не сте наивни туку имате некоја пресметка, бесплатната работа може долгорочно да ви донесе повеќе штета отколку корист.

Перцепција : Пари =Вредност

Деловниот свет е преполн со психологија и различни сфаќања за односот помеѓу работата и вредностите. Но, она што е сигурно е дека колку сте поскапи, луѓето инстинктивно ја перцепираат вашата вредност поголема. Луѓето генерално ги ценат услугите и добрата што ги плаќаат повеќе отколку што ги добиваат бесплатно. Зошто е така? Парите обично се мерило за работата и напорот што стои зад нив, така што секој од нас природно ќе цени повеќе за што вложил повеќе труд и напор затоа што е потешко да се дојде. Затоа, ако вашиот производ или услуга е примена едноставно и лесно (прочитајте бесплатно), големи се шансите да не добиете многу од таквата инвестиција освен благодарност. Ако не се цените доволно за да наплатите за вашето време и знаење, другите ќе го ценат исто толку  – нула денари, пишува Manager.ba.

Искуство кое злато (не) вреди

Младите луѓе без искуство или оние кои започнуваат сопствен бизнис обично паѓаат во стапица бидејќи нивната главна цел на почетокот е да стекнат релевантно работно искуство или да се афирмираат на пазарот, а не само да заработат пари. Колку што секое искуство е вредно за вашето CV, личен и професионален раст, имате право барем за вложеното време да барате надомест. Ако не чувствувате дека го заслужувате тоа затоа што сè уште не сте професионалец во оваа област, сосема е разумно да прифатите пониска саатница и надоместок за почетниот период, но важно е соодветно да ја одредите и објасните вашата цена. Во спротивно, оставате впечаток на другите дека штом сте направиле нешто или го правите тоа бесплатно, тоа не вреди многу и не е на високо ниво за кое тие се подготвени да платат на долг рок.

Фото: Freepik