Пивската компанија AB InBev не е меѓу оние кои профитираат од корона вирусот. Најголемиот производител на пиво, AB InBev соопшти дека изгубил 170 милиони долари профит во првите два месеци од 2020 година, поради глобалното ширење на корона вирусот.
Предвидуваат дека заработката во првиот квартал ќе им падне за 10% и наведуваат дека минатата година била разочарувачка, а бонусот на извршниот директор ќе биде скратен.
Со оглед на тоа што нивната мантра е дека пивото ги спојува луѓето, Ковид – 19 им ги замрси конците, бидејќи луѓето во Кина не излегуваат од дома и не се дружат, а испораките на пиво во оваа земја значително опаднале.
Извршниот директор, Карлос Брито вели дека ги бодри своите вработени укажувајќи им дека природно е во бизнисот работите секогаш да не одат по нагорна линија.
Фото: Facebook
