Баварскиот производител ќе го прошири капацитетот на најголемата фабрика во Европа, така што во иднина може да направи доволен број погонски единици за своите електрични автомобили.
BMW започна со надградба на својата фабрика во Динголфинг, Германија, каде што се прават електрични мотори за i3 од 2013 година.
Кога експанзијата на капацитетот ќе заврши во 2022 година, во фабриката секоја година ќе се градат 500.000 електрични погонски системи за електрични возила BMW.
BMW e-drive погонскиот систем покрај електромотор вклучува и систем за пренос и контролна електроника, а новата генерација на овој систем ќе биде инсталирана за прв пат во BMW iX3, којшто ќе излезе во продажба ова лето во Кина.
Патем, фабриката во која се прават e-drive погонски системи за погон ќе се прошири дури десет пати, од сегашните 8.000, на 80.000 квадратни метри.
Бројот на вработени ќе се зголеми и на 2.000.
