Некои држави ги отворија границите за туристите и ги укинаа ограничувањата кои ги имаа поради заштита од пандемијата, а меѓу нив е остров во Бразил којшто има само еден услов за доаѓање.
Рајскиот остров Фернандо де Нороња повторно е отворен за туристите кои сакаат да летуваат на оваа прекрасна дестинација. Постои само еден услов – мора да сте оздравеле од коронавирусот. Во спротивно, не смеете да доаѓате на островот.
Оваа популарна туристичка атракција се наоѓа во Бразил, а своите врати ги отвора само за оние кои веќе имале коронавирус. Посетителите тоа ќе го докажат со испраќање на резултатите од PCR или IgG тест.
Резултатите не смеат да бидат постари од 20 дена, а туристите на овој начин докажуваат дека веќе се заразиле со коронавирусот и оздравеле од него. Управителот на архипелагот острови, Гиљерме Рока, вели дека локалната власт е очајна во своите обиди да ја закрепне локалната економија.
Фото: Pixabay
