Експерти од Финска ги објавија првите резултати од експериментот со дресирани кучиња кои можат да надушкаат лице заразено со коронавирус. Резултатите покажуваат дека кучињата се прецизни скоро колку и ПЦР тестовите.
Три кучиња трагачи, поставени во пробна кабина на аеродром во Хелсинки, откриле вирус кај 0,6% од вкупно 2.200 патници. Експериментот ќе трае до декември, а е на доброволна база. Во првиот бран од пандемијата, експериментот покажа дека кучињата може да откријат Ковид-19 со скоро 100% прецизност дури и пет дена пред ПЦР тестот.
Стотина патници секојдневно стојат во ред за бесплатно тестирање на аеродромот во Хелсинки, кој бара од луѓето да се избришат со марамче и да му го дадат на кучето да го издушка. Ако примерокот е негативен, кучето не се задржува кај тоа марамче.
Фото: Freepik