Властите во Германија регистрираат зголемен број на барања за кофинансирање при купување електричен автомобил, пренесуваат германските медиуми.
Во октомври се поднесени 32.324 барања, што е трипати повеќе одошто во септември.
Од јули оваа година се поднесени повеќе од 100.000 пријави, што е повеќе одошто во текот на целата 2019-та година. Сојузната канцеларија за економија и контрола на извозот го зголеми бројот на вработени за обработка на барањата за околу 40%.
Земјата дава субвенции за набавка на “зелени“ автомобили и до 9.000 евра. Благодарение на високата финансиска поддршка, пазарниот удел на електрични и хибридни автомобили во септември оваа година е на рекордно ниво од 15,6% нови регистрации.
Продажбата на електрични возила, во споредба со 2019-та година, е зголемена за 337%.
Фото: Pixabay
