Со цел да ги поттикне Американците да се вакцинираат против коронавирусот, авиокомпанијата United Airlines на сите вакцинирани им нуди можност да добијат годишен бесплатен авион билет или повратни билети за неколку патувања, пренесува CNN.
Американската авиокомпанија организира наградна игра во којашто може да учествуваат сите членови на United’s Mileage Plus програмата, како и оние кои сакаат да бидат дел од истата, а ќе имаат можност да добијат повратен билет за еден од 30-те летови и еден годишен бесплатен авиобилет.
“Горди сме што можеме да ги мотивираме луѓето да се вакцинираат“, вели Скот Кирби, извршен директор на авиокомпанијата.
Годишниот авиобилет би опфатил 26 летови, што значи дека среќниот вакциниран добитник ќе може да патува секоја втора недела со aвиопревозникот.
Фото: Facebook
