Канадската автомобилска компанија Daymak објави дека ќе го произведува првиот автомобил што ќе може да рудари криптовалути додека е паркиран. Најновиот модел на електричен автомобил Spiritius на компанијата ќе може да рудари доџкоин, биткоин, етереум и кардано.
Претседателот на Daymak, Алдо Бајоки, ја замислува иднината како место на кое патарините, паркингот и нарачките на храна ќе може да се плаќаат со криптовалути со едноставно поминување на автомобилот. Освен тоа, повеќето автомобили денес не се корисни додека седат во гаража, а овој ќе создава пари додека е паркиран со рударење криптовалути.
Компанијата веќе прима нарачки, а може да се плати и со криптовалути. Потребно е да се остави депозит во вредност од 100 долари за да се направи нарачка. Компанијата веќе собрала 340 милиони долари од депозити за нарачки на автомобилот, кој треба да биде претставен во 2023 година.
Фото: Daymak
