Android е убедливо најпопуларниот мобилен оперативен систем кој работи на речиси сите модерни паметни телефони, освен, се разбира, на iPhone, кој е напојуван од iOS на Apple. Android ги напојува и сите паметни телефони на Samsung, јужнокорејската компанија која доминира на пазарот на паметни телефони и која во иднина би можела да покаже „палци надолу“ за овој оперативен систем на Google.
Но, доколку оваа информација е вистинита, треба да се нагласи дека ова не е некаков прекин на соработката со Google, бидејќи понатамошните планови на Samsung се поврзани со оваа компанија. Имено, долгорочниот план на Google е полека да го повлече Android во текот на оваа деценија и да им понуди на мобилните, на производителите и на корисниците ново, уште подобро решение.
Тоа е оперативниот систем Fuchsia OS кој Google го развива веќе неколку години, а еден од партнерите со кои соработуваат за неговиот развој е Samsung. Поради оваа соработка Samsung би можел да има приоритет при префрлањето од Android на Fuchsia, но доколку Google навистина има намера да го замени Android со нов оперативен систем, истата судбина ги чека и сите други мобилни компании (освен онаа со логото на Apple).
Преминот кон целосно нов оперативен систем ќе биде процес кој ќе трае долго, веројатно и години. Причината зошто ја развиваат Fuchsia е тоа што го развиваат овој оперативен систем од нула, не само за мобилни уреди, туку за сите паметни уреди – од телефони и таблети до компјутери, IoT уреди и други. На пр. моментално се тестира на уредот Nest Hub на Google и со текот на времето може да се користи на повеќето уреди што ги користиме на дневна основа.
