Твитер воведува нови правила. Платформата има имплементирано привремено ограничување на бројот на твитови кои корисниците можат да ги читаат во еден ден, соопшти шефот на компанијата Илон Маск.
Маск напиша на Твитер дека неверификувани профили можат да читаат до 600 објави дневно.
Од друга страна, верификуваните профили се привремено ограничени на читање на шест илјади објави дневно. Маск посочи дека новите неверификувани профили можат да видат само 300 објави дневно.
Во изјавата, тој рече дека привремените ограничувања за читање се поставени за да се решат „екстремните нивоа“ на собирање податоци и манипулација со системот.
