Сè повеќе индустриски компании планираат да се преселат од Германија, пред сè поради високите цени на енергијата, покажаа резултатите од истражувањето.
Речиси една третина од компаниите кои учествуваа во истражувањето ги преселуваат своите погони во странство, односно го намалуваат производството дома или имаат такви планови, пренесува ДПА.
Вакви компании има двојно повеќе од минатата година, покажуваат податоците на Германската индустриска и трговска комора (ДИХК).
Преселбите најчесто се планирани од компании со 500 или повеќе вработени: 43 отсто се подготвуваат или веќе ги преселиле своите капацитети во странство.
Овие компании често се тесно поврзани со други земји и се соочуваат со особено силна конкуренција.
Загриженоста на компаниите за нивната конкурентност драстично се зголеми, рече заменик-генералниот директор на ДИХК, Ахим Деркс.
Бизнисмените имаат многу мала доверба во енергетската политика на германската влада. Многумина не очекуваат подобрување на среден и долг рок.
Компаниите го префрлаат производството во САД, на пример, затоа што американската влада усвои програма за економски субвенции во вредност од милијарди долари.
Но, Деркс спомена и преместување на производството или изградба на нови капацитети во Франција, каде што цената на струјата за индустријата е пониска.