Европските берзански индекси денеска драстично пораснаа откако американскиот претседател Доналд Трамп одлучи да ги суспендира реципрочните царини за повеќето американски трговски партнери, освен Кина, на 90 дена за да овозможи трговски преговори.
Според податоците на пазарот, европскиот регионален индекс Stoxx 600 скокна за 7,04 отсто набргу по отворањето, бидејќи банкарските акции пораснаа за 10 отсто, технологијата 9,9 отсто и индустриските 9,1 отсто, пренесува CNBC.
Индексот DAX на Франкфуртската берза денеска во 9:30 часот порасна за 6,93 отсто, на 21.058,27 поени, британскиот FTSE 100 за 5,13 отсто, на 8.073,35 поени, францускиот CAC 40 за 6,7 отсто, на 7.326,8 отсто за Москва, за 2.8 отсто за 2.777,11 поени.
Вредноста на американскиот берзански индекс Dow Jones порасна за 7,87 отсто, на 40.608,45 поени пред денешното отворање на пазарот, индексот S&P 500 за 9,52 отсто, на 5.456,90 поени, а вредноста на индексот Nasdaq за 12,16 отсто, на 17.124 поени.
Европските фјучерси на гас за мај се продаваа на отворањето на берзата ТТФ по цена од 36.250 евра за мегават-час.
Според досегашните податоци на берзата, цената на суровата нафта паднала на 61.650 долари, а на нафтата од типот „брент“ на 64.695 долари.
Цената на златото порасна на 3.117,86 долари за унца, а цената на пченицата падна на 5,4065 долари за бушел (бушел е еднаков на 27,216 кг).
Вредноста на еврото во однос на доларот на берзата Forex изнесува 1,09811, што е за 0,29 отсто повисока отколку на почетокот на тргувањето.
Фото: Printscreen