Во рамки на учеството на 62. Минхенска безбедносна конференција, премиерот Христијан Мицкоски оствари средба со раководството на германскиот корпоративен гигант „Schwarz Group“.
Главни теми на разговорот со менаџментот на германскиот гигант под чија капа работат познатите брендови „Lidl“ и „Kaufland“ биле новите инвестициски планови во земјава, кои предвидуваат отворање на нови работни места и забрзана модернизација на македонскиот трговски сектор.
„Денеска во Минхен остварив работна средба со менаџментот на германскиот гигант Schwarz Group, под чија капа работат светски познатите брендови „Lidl“ и „Kaufland“.
Разговаравме за нивните планови за инвестиции, отворање нови работни места и модернизација на трговскиот сектор во нашата земја.
Ги отвораме вратите за домашните компании да ги пласираат своите производи во големите европски синџири.
Продолжуваме да разговараме и привлекуваме реномирани светски компании кои веруваат во потенцијалот на нашата држава!“, напиша Мицковски на Фејсбук.