Урбан инвест склучи договор од 1,5 милиони евра

Македонската компанија Урбан инвест ДОО Кавадари, склучи договор од 1,5 милиони евра со бугарската општина Браќа Даскалови.
Како што соопштуваат од Урбан инвест, предмет на договор е изградба на поплочување со павер елементи на тротоари и плоштади во селата Оризово, Плодовитово и Мирово, кои се дел од бугарската општина Браќа Даскалови.
Од компанијата додаваат и дека проектот кој ќе се реализира во оваа година во оваа општина е финансиран од страна на Европската унија.