Фото: Pixabay
Со оглед на тоа дека Apple ги исполнува сите критериуми на успешно лого со емотивна врска со корисниците и имајќи го на памет тоа дека резултатите на семиотичката анализа покажуваат како тоа може да влијае врз потрошувачите, ќе стане јасно како потрошувачите ги покажуваат ефектите од емоционалната вредност на логото. Како што е наведено во втората глава, емоциите се внесени со уникатен спој на мистерија, интимност и сензуалност.
Лого дизајнот за да биде емотивен, треба да ги содржи овие карактеристики. Кога лого дизајнот се применува правилно, тоа создава желба кај потрошувачите, кога се приме-нува доследно, тој станува визуелен идентитет на брендот. Маркетингот отсекогаш бил фокусиран на потрошувачите. Меѓутоа, додека маркетингот претходно можеше да користи само масовни маркетинг техники за да достигне големи групи на потрошу-вачи, сценариото за тековниот и развоен пазар има потреба од достигнување на индивидуалните потрошувачи. Мора да се препознаат нивните различни потреби и аспирации. Најуспешен лого дизајн ќе биде оној што ќе може најточно да ги задоволи потребите на индивидуалните потрошувачи, ќе ги исполни дури и надмине очекувањата на потрошувачите. Тоа ќе му овозможи да се издигне над оние брендови кои немаат вистинска потрошувачка ориентација.
Потрошувачот стана маркетиншки – писмен. Улогата на масовните медиуми во рекламирањето се менува, но сепак ќе постои заедно со развојните комуникациски канали. Според ова сценарио, потрошувачите ќе реагираат на компанија која е вистински заинтересирана и учествува во дијалогот. Одговорот на компанијата и брендот за потрошувачите мора да биде направен веднаш и соодветно. Компаниите ќе треба да развиваат системи кои ќе им овозможат да учат за индивидуалните корисници и комуникациските алатки кои ќе им овозможат да комуницираат на индивидуална основа. Трговците на мало треба да ги разберат навиките за купување на потрошувачите, а потоа да ја прилагодат својата понуда. Производителот може да посака да има отворен, директен дијалог со потрошувачите наместо да се потпираат на трговците на мало, како место за контакт со потрошувачот. Жан Бодријар би рекол дека логоата имплицираат социјален рапорт и општествена моќ (Бодријар- Baudrillard 1983).
Бизнис логото е типографски знак чија намена е да го пренесе не само името на една компанија, но исто така и нејзиниот карактер. Краток поглед треба да ви ја пренесе природата на компанијата која логото ја претставува. Добро изработениот лого дизајн е срцето и душата на маркетингот на компанијата. Лого дизајнот ја гради свеста, перцепцијата и лојалноста на корисниците и мора да создаде силен и истовремено бесконечен прв впечаток. Неодамна, односот помеѓу брендовите и нивните корисници стана многу покомплексен. Поради едно нешто, а тоа е дека потрошувачите едноставно знаат повеќе отколку што знаеле порано. Интернетот отвора богатството на информации, дозволувајќи им да прават инстант споредби на цена и квалитет. Но, потрошувачите бараат повеќе од брендовите коишто ги сакаат, а не само едноставна сигурност; страствените потрошувачи сакаат нивните брендови да станат форма на самоизразување.
Сè повеќе, потрошувачите ги модифицираат производите и услугите за да го постигнат тоа. Наместо корисници на дофат на рака, тие почнуваат да се однесуваат и чувствуваат како сопственици или членови на една заедница. Тие повеќе не се пасивни конзуматори. Преку интернетот, тие можат да разговараат и разменуваат информации. Тие можат да разгорат позитивни гласини или да предизвикаат револт. Што е уште поважно, страсните потрошувачи може да направат многу за вашиот маркетинг преку позитивни гласини или создавање „фама” околу лого дизајнот. Позитивните гласини се крајната награда за успешен емоционален бренд и претставуваат вид на маркетинг којшто не може да се купи со пари. Позитивните гласини е многу тешко да се постигнат без емоционално лого. Еден возач кој има страст за својот автомобил не мора да вози Aston Martin или Ferrari. Тој или таа може да има евтино возило од масовно производство, но приврзаноста за автомобилот е емотивна од различни причини, како што се односот кон настаните што се случиле со автомобилот или улогата која ја игра автомобилот во животот на возачот.
Логото како одредувач на животниот стил
Човечките суштества отсекогаш користеле симболи за да ги изразат своите емоции. Симболите се најмоќните комуникациски алатки кои некогаш постоеле. Затоа што ја имаат способноста да пренесуваат толку многу значење, намера и значајност во таква компактна, веднаш препознатлива форма, ефектот што го имаат е неверојатен. Треба само да се земе во предвид почитта или страста која што можат да ја разбудат симболите од типот на американското знаме, Ѕвездата на Давид, Христијанскиот крст или Црвениот крст, за да може да се разбере точно колку моќен може да биде еден симбол. Трговијата е поврзана со продажба на повеќе производи и услуги, но како што беше кажано погоре, луѓето се поврзани со желбите и аспирациите. Потрошувачите се константно во потрага по брендови коишто знаат што тие сакаат и постојано размислуваат на кои начини можеби би сакале да се поврзат себе си со брендови кои што поседуваат харизма. Потрошувачите понекогаш посакуваат етикети за да ја изразат својата личност, или попрво личноста каква што сакаат да бидат во очите на другите, но најмногу од сé сакаат брендови кои што им нудат различни доживувања. Моќта на симболите останува таинствена и мистериозна – едноставна форма може моментално да предизвика сеќавање и да побуди емоција, без разлика дали е извезена на знаме, изгравирана во камен или прикачена на e-mail. Брзината на животот во иднина ќе бара брендовите, повеќе од било кога да ја поткрепат моќта на симболите. (Wheeler 2003). Дизајнот на логото којшто буди емоции прави ангажман со потрошувачот, што има значително влијание и поттикнува голема промена во животите на потрошувачите.
Логото додава нешто поинакво. Логото формира дел од животниот стил на потрошувачот и на другите им кажува многу за личноста. Со употреба на логото на одреден бренд, потрошувачот сака да каже нешто за себе, а дизајнот на логото додава на неговата/нејзината личност. Тоа станува избор на животен стил. Освен тоа страствениот дизајн на логото исто така може да покажува дека потрошувачот припаѓа на одбрана група. Спортски лого дизајни како фудбалски клубови можат да се вклопат во овој опис. Друга област на интерес би можеле да бидат модни брендови каде што дизанот на логото поттикнува ниво на страст кај оние што ги носат. Повторно, дизајнот на логото делува како идентификатор за потрошувачите и ја зацврстува нивната позиционираност во одбрана група, зборувајќи за нивниот животен стил. Порастот на веб страни, меилинг листи, списанија и други заедници кои што се изградени околу дизајни на лого е пример за тоа како страствениот дизајн на логото може да биде врска помеѓу корисниците. Некои трговци активно го охрабруваат создавањето на заедници околу дизајнот на логото. На тој начин, не само што ги прават своите најдобри корисници среќни туку оваа предност исто така може да се користи и како дел од стратегијата за стекнување на лидерство во креирањето на мислењето, со што ќе помогне во развивањето на нови производи и услуги и стекнувањето на критички фидбек од најважните потрошувачи. Не сите брендови се брендови на животен стил. Harley Davidson, Ralph Lauren, Apple, Ikea, Volkswagen, Porsche, MINI, Zara се брендови кои што можат да се наречат брендови на животен стил затоа што луѓето сакаат да бидат идентификувани со нив. Apple повеќе е бренд на животен стил, отколку компанија за технологија. Се што прават е водено од брендот, од производ до рекламирање и продавници. Секој iPod е испишан со зборовите „дизајниран во Калифорнија“, навидум излишна изјава која дава основен увид во ставот на компанијата. Пораката е едноставна: ние сме иноватори, ние сме кул, ние сме пријателски настроени. Тоа е проширена мантра на новото време која што ги открива корените на Apple од западниот брег и се докажа како клучна за имиџот на Apple – и добриот и лошиот – во текот на годините. Apple од друга страна е свртен кон иновациите, креативноста и желбата да се биде кул. Од почетокот беше бренд кој што ги крши правилата и ги менува очекувањата; долго време е омилен бренд на креативните и младите. Apple додаде дизајн во арената на комјутерите, арена која што до скоро беше специјализирана за производство на досадни сиви кутии. Производ како iPod-от не се случи затоа што Apple сака да биде како сите други. Со неговото позиционирање на пазарот и неговиот фокус на дизајнот, Apple ефективно создаде бренд на животен стил кој што случајно произведува компјутери. The Guardian направи интервју со Стив Џобс поврзано со тајните на успехот на Apple и повторното откривање на компанијата како „бренд на животен стил“. (Џонсон 2005 година). Гил Амелио рече, „Apple е единствениот бренд на животен стил во компјутерската индустрија. Тој е единствениот за кој луѓето чувствуваат страст“. (Џонсон 2005 година).
Секоја продавница на Apple има чист, конзистентен изглед и чувство. Тоа е привлечно и лесно. Се во врска со продавницата ја проектира пораката која што Apple се обидува да ја пренесе. Apple е бренд на животен стил; луѓето купуваат Apple затоа што се поврзуваат со животниот стил кој што Apple се обидува да го проектира и тие го користат логото за да бидат дел од животниот стил. Сето тоа во ретроспектива изгледа толку очигледно: направи ги компјутерите полесни за употреба; направи ги поубави за гледање; направи ги помалку привлечни за хардкор компјутерските волшебници, а попривлечни за уметниците. Apple не продава само технологија; тие создале целосен концепт на животен стил кој што привлекува луѓе кои што нормално не би ги нашле како го поминуваат времето во продавници за компјутери. Еден страствен дизајн на лого е често тесно фокусиран на една одредена категорија. Apple е тесно фокусиран. Негова област на стручност не се компјутерите, туку креативноста и таргетира специфични делови од пазарот на компјутери кои што бараат повисоко ниво на креативност.
На сите луѓе им се допаѓаат логоата, но тие сакаат да бидат дел од брендот, тоа е нивна потсвесна религија, а за да бидат дел од стадото, луѓето дури се брендираат и себеси кога ги искажуваат своите ставови. Единствената употреба на логото е да ја привлече нивната суета и аспирации. Тоа ја задоволува основната човекова потреба, да припаѓа, да биде дел од племето кое што ги дели истите вредности како него или живее со стил на живот како неговиот или каков што се стреми да живее. Луѓето секогаш се во потрага по животен стил/група кон кој можат да се придржуваат, а при тоа ги бираат оние брендови кои што се вообичаено поврзани со таа група. Многу брендови тврдат дека се популарни, но дали сите се или не се популарни е друго прашање. Може да се каже дека неколку специјални брендови ја носат популарноста на поинакво ниво. Тоа се така наречените култни брендови: Harley Davidson, Star Trek, Volkswagen, Apple Computer и неколку други, според Рагас и Буено (Рагас и Буено-Ragas and Bueno 2002 година). Култните брендови „имаат смелост да бидат различни“, забележал Мат Рагас, (Рагас и Буено 2002 година), авторот на Моќта на култното брендирање. Култните брендови продаваат животни стилови, а не само производ или услуга, додава тој.
Секогаш постоеле култни брендови, најчесто помали ознаки непознати за широките маси. Но до средината на 2005 година, градењето на култови или барем силни заедници веќе е широко раширена стратегија. Не е ни чудо што компаниите кои што се способни да всадат чувство на сопственост во скоро фанатичните корисници ги покажаа најголемите добивки во нашата четвртата годишна ранг листа на 100-те највредни глобални брендови. „Лојалниот бренд на вистински верници зад Бр. 43, Apple, во комбинација со огромниот успех на iPod – от, помогна вредноста на брендот во долари да се зголеми за 23,7%, на 6,9 милијарди долари, во 2005 година“ (WEB_6 2010). Тоа беше најголемиот раст во рангирањето од таа година, што е постигнато во партнерство со водечката бренд консалтинг компанија Interbrand Corp. (WEB_6 2010). Слична е и свесноста на креативниот тим од Виталија кој почнувајќи од 2010 година започна со ребрендирање на пакувањата на своите производи. Сега новите креативни дизајнерски пакувања се многу поинтуитивни, креативни, допадливи и привлечни за секоја таргет група. Со овој пристап упехот на Виталија беше неминовен. Од македонски бренд Виталија последниве три години бележи вистински нагорен развој и присутност на своите производи на сите светски пазари. Успехот е навистина голем, а тој освен на квалитетот на производите се должи и на Дизајнот на пакувањата. На македонскиот пазар свесноста за важноста на креативната страна на пакување на еден производ е се поголема, тоа се должи на високото ниво на образование во овие сфери, интернет инвазијата и желбата да се бид дел од едно големо глобално семејство на успешни брендови. Последниве неколку години сме сведоци на многуте чести конгреси и марктинг советувања кои исто така придонесуваат за будење на свеста кај производителите дека доколку сакаат нивните производи да се пласираат и да ја стекнат довербата на странските, па и домашните пазари, своите производи мора да ги спакуваат во кутии, дизајнирани според стандардите на модерното време, според потребите и очекувањата на големата потрошувачка маса. А тоа бара стратегија, истражување на пазарот, креирање на креативен тим кој постојано будно ќе ги следи сите новитети на светските маркетиншки движења, и со тоа секогаш ќе држат во чекор со новитетите и успешните промени кои ги бара модерното живеење.
Брендовите кои што успеале да изградат нешто слично на култ кои што следат, го направиле тоа со тоа што биле, слични на култ, барем во некои аспекти. Тие се самосвесно различни од ривалите. Тие се обврзани со сет на јасно одредени и строго спроведувани вредности. И исполнуваат спектар од потреби за нивните корисници. Оние кои што најбрзо се развиваат често проектираат аура, привлечен групен идентитет. Замислете слика на клиент на Armani или возач на Porsche и тоа ќе ве потсети на сет на карактеристики на личноста, исто како што ве потсетува и изборот на производот. Според стратегистот Даглас Аткин, кој што ја напиша книгата „Создавањето на култ од брендовите“, тие исто така “создаваат proselytizers, корисници кои што ќе разговораат за брендовите со нивните пријатели, ќе поставуваат веб страни, ќе присуствуваат на настани и гордо ќе се идентификуваат себеси како приврзаници” (Аткин 2004 година). Никој не треба да им плати. Тие освен што се корисници се исто така и сопственици.
