Американските инвеститори заинтересирани за кинеските обврзници

6

Американските инвеститори се многу заинтересирани да инвестираат во кинески обврзници. Причината, се разбира, е потенцијално повисоките приноси во споредба со американските хартии од вредност.

Кинеската 10-годишна обврзница има принос поголем од 3,2%. Спротивно на тоа, последниот пораст на стапките во САД го зголеми десетгодишниот принос на американските обврзници на само 1,7%. Таа голема разлика им дава на инвеститорите во кинеските државни обврзници многу поголем принос.

“Американските инвеститори сè уште се многу заинтересирани да инвестираат на кинескиот пазар“, рече Тао Ванг, раководител за азиската економија и главен кинески економист во UBS, за време на вебинар со Институтот за меѓународни финансии.

Особено од гледна точка на пазарот на обврзници, постои структурно зголемување на интересот, вели тој.

Иако “Кина нуди високи и стабилни приноси“, тој истакна дека другите земји сè уште користат мерки за зголемување на растот што резултираа со негативни приноси за многу обврзници. Ова значи дека купувачите на обврзници ќе треба да му плаќаат на издавачот кога обврзницата ќе доспее, наместо да заработуваат пари на неа.

Специфични податоци за акциите на американските инвеститори не беа достапни, но инвеститорите надвор од Кина држеа околу 3,5% од постојните издадени обврзници деноминирани во јуани. Странските удели во кинеските државни обврзници достигнаа околу 10,6% од емисиите во минатиот месец, соопшти Reuters.

За само две години, странските влогови во кинеските државни обврзници се скоро двојно зголемени на над 2 трилиони јуани (307,7 милијарди долари), покажуваат податоците на компанијата Wind Information.

Фото: Pixabay