Apple го потврди потпишувањето на долгоочекуваниот договор за купување на компанијата Beats Electronics за три милијарди долари, пишува британски Guardian.
Beats Electronics е компанија што ја основаше познатиот рапер Dr Dre, а се занимава со производство на аудио опрема. Раперот, кој многумина го нарекуваат “првиот милијардер во хип – хоп музиката“, како и извршниот директор на Beats Electronics Џини Ловин, според договореното, ќе се приклучат кон Apple.
Големината и обемот на овој договор може да влијае на целта Apple постојано да прави сензации на пазарот. Компанијата се обидува да им покаже на инвеститорите и на јавноста дека можат да бидат иновативни и без Стив Џобс, без најава за нови и значајни прозводи уште од времето на лансирање на iPad пред неколку години.
Со оваа аквизиција, Apple се обидува да ги потсети инвеститорите и потрошувачите дека има чувство за иновации, креативност и новитети, како што беше создавањето на iTunes, што значеше голема трансформација за компанијата.
“Музиката е многу важен дел од нашите животи и има специјално место во срцето на Apple“, вели извршниот директор на компанијата, Тим Кук.
