Авио гигант продаде само четири авиони во мај

92

Компанијата Boeing испорача само четири авиони во текот на мај, што е за два авиони помалку отколку во април, кој беше најлошиот месец за компанијата во последните шест децении.

Доставени се околу 87% помалку авиони отколку во истиот период минатата година.

Испораките се многу важни за производителите на авиони затоа што авиокомпаниите плаќаат поголем дел од цената кога ќе го примат авионот.

Исто така, минатиот месец се откажани нарачки за 18 авиони, вклучително и 14 модели MAX, кој беше најпродаваниот авион на Boeing пред двете големи несреќи.

Boeing го продолжи производството на моделот MAX минатата недела и очекува дека ќе има испораки во третиот квартал.

Покрај ова, многу лизинг компании и авиокомпании ги откажаа нарачките поради падот на индустријата предизвикана од коронавирусот.

Претходно, Reuters извести дека Emirates, една од најголемите компании, отпушти стотици пилоти и илјадници луѓе од екипажот.

Boeing има девет нови нарачки, но станува збор за транспортни авиони, додека нема нарачки за патнички авиони.

Мора да се каже дека лизинг компаниите контролираат околу 40 глобални пазари на авиони и дека тие се најголемите купувачи на моделот MAX.

Фото: Facebook