Азија и Афика му помогнаа Heineken да оствари поголема добивка

9

Холандскиот пивски бренд, Heineken, информира дека во првото тримесечје од оваа година има многу поголема добивка одошто на почетокот на пандемијата, благодарение на зголемената продажба во Африка и Азија, што го компензираше падот во Европа.

Компанијата во првите три месеци од оваа година продала 50,3 милиони хектолитри пиво. Продажбата на пиво во Африка, на Блискиот исток и во Источна Европа се зголеми за 9,9%, а посебно силни резултати покажале Нигерија и Јужноафриканска Република и покрај ограничувањата во снабдувањето и забраната за консумирање алкохол во одредени временски периоди.

Продажбата во Азија порасна за 5,4%, а Виетнам е меѓу најголемите пазари на Heineken. Компанијата успеа да ја зголеми продажбата и во првите три месеци од минатата година.

Во Европа во првото тримесечје Heineken забележа пад на продажбата од 9,7% поради рестриктивните мерки што предизвикаа намалување на консумација во кафулињата и рестораните за две третини.

Фото: Pexels