Германската престолнина одлучи во рамки на ублажување на економските последици од пандемијата на коронавирус финансиски да ги помогне клубовите во кои се пушта техно музика, по кои Берлин е надалеку познат.
Овој вид на помош во просек е тежок околу 81.000 евра и е наменет за најпознатите ноќни клубови кои се магнет за туристите, но и локалното население. Главната идеја е да се помогне во опстојувањето на овие места, додека не се укинат сите рестрикции.
Како што пишува Local.de, помош ќе добијат 46 компании кои раководат со 46 ноќни клубови. Покрај техно клубовите помош ќе добијат и концертните сали.
Од почетокот на пандемијата, односно од 14 март, сите клубови мораа да престанат со работа.
Фото: Pixabay
