Биткоин балонот наскоро може да пукне

116

Цената на највредната криптовалута во светот, биткоинот, може да скокне до 300.000 долари вели Боби Ли, ко-основач и поранешен извршен директор на крипто-берзата BTCC.

Тој за CNBC изјави дека балонот ќе пукне откако ќе го достигне својот врв и дека може да опаѓа со години.

“Циклусите на биковиот пазар на биткоин доаѓаат на секои четири години, а ова е големо“, рече Ли, додавајќи: “Мислам дека ова лето навистина може да надмине 100.000 долари”.

Ли објаснува дека два од овие “мега циклуси на биковиот пазар“ се случиле во текот на последните осум години, од кои последниот беше во 2017 година, кога цената на биткоинот се искачи на скоро 20.000 долари до крајот на годината.

Сепак, “ладењето на биткоин“, кое може да трае со години, може значително да ја погоди дигиталната валута. Толку многу што биткоинот ќе падне, кога ќе пукне балонот. Во крипто-индустријата, ова се нарекува “bitcoin winter“ и трае од две до три години.

Претприемачот Ли, исто така, ги предупреди инвеститорите да бидат свесни дека вредноста на биткоинот може да падне за дури 80% до 90%.

Најпопуларната криптовалута влезе во 2021 година со вредност од околу 30.000 долари, достигнувајќи повеќе рекордни нивоа од тогаш. Тој ја надмина границата од 60.000 американски долари претходно во март, а сега вреди 57.037 долари.

Фото: Pixabay