Популарната игра Candy Crush Soda Saga заработи две милијарди долари од моментот кога е лансирана во 2014 година, стои во анализата на Sensor Tower.
Soda Saga е прв дел од Candy Crush Saga на King, којашто е пуштена во 2012 година. Од Soda Saga, франшизата има уште две продолженија: Candy Crush Jelly Saga што излезе на пазарот во 2015 година и Candy Crush Friends Saga што се појави во 2018 година.
Candy Crush Soda Saga поголемиот дел од парите го заработи во САД, односно 1,1 милијарди од вкупно две милијарди долари.
Оваа игра ја имаат инсталирано 410 милиони корисници, од кои 76% ја симнале преку Google Play. Но, корисниците на iOS трошат многу повеќе за оваа игра. Па така, просечен корисник на iPhone троши 9,37 долари во споредба со 3,24 долари колку што троши сопственик на мобилен телефон со Android оперативен систем.
Оваа игра му помогна на King да стане толку влијателен што Activision Blizzard (американска компанија за видео игри) во 2016 година ја купи оваа компанија за 5,9 милијарди долари.
Фото: Pixabay
